Vi oppgraderer våre systemer for bedre hverdagsflyt!

Som følgje av overgangen til nye system får alle kredittkort kundar faktura frå oss i juni. Dette gjeld òg kundar som ikkje har uteståande saldo eller har brukt kredittkortet berre på nokre få kroner. Har du mottatt faktura på 0 kr kan du sletta denne i mobil- og nettbanken din.

Har du mottatt faktura på eit lite beløp under 50 kr kan du velja å innbetala beløpet eller la det stå på kortet. Vi fakturerer vanlegvis ikkje beløp under 50 kr, og det betyr i praksis at du vil ikkje få faktura frå oss igjen før beløpet har vorte større enn det.

Enkelte kundar som har beløp til gode på kredittkortet har mottatt faktura som viser det tilgodehavande som skuldig utgjorde. Feilen er meld og vi jobbar med ei retting i fakturaoppsettet. Har du mottatt ein slik faktura frå oss ber vi deg slette kravet i mobil- og nettbanken din.

Etter overgangen til ny systemleverandør er fakturaarkivet lese inn på nytt. I samband med dette har det oppstått ein feil i innlesingen slik at fakturakrav eldre enn mai 2022 blir vist med forfallsdato 01.01.1970. Vi jobbar med ei retting.

Skulle du ha fått eit nytt kort frå oss, men enno ikkje mottatt denne i posten, kan du sjekka om kortet er synleg under digitalt kort i mobil- og nettbanken. Om du mistenker at kortet har komme på avvege må du sperra det og bestilla eit nytt. Dette kan du gjera sjølv i mobil- og nettbanken under "Sperre kort". Bestilling av kort, utanom ordinær fornying av kortet, medfører eit gebyr på kr 95.

Frå 15. mai 2022 kan ein gi ein generell aksept for eFaktura frå alle eFaktura avsendarar / tilbydarar med eit enkelt tastetrykk i mobil- og nettbanken. Har du godkjent "Ja takk til alle" eller Alltid eFaktura får du no alle fakturaene dine elektronisk. I praksis betyr dette at dersom du har aktivert dette i nettbanken din, får du no òg eFaktura frå oss.

Ønsker du å reservera deg for eFaktura frå enkelte bedrifter, kan du gjera dette i mobil- og nettbanken under eFaktura avsendarar / tilbydarar. Merk bedrifta du ikkje ønsker elektronisk faktura frå og vel deretter blokker eller reservar. Vi gjer oppmerksam på at korleis løysinga ser ut varierer frå bank til bank.

Til vanleg kan du velje å ha forfall på den månadlege fakturaen tilknytt kredittkortet ditt den 5., 15. eller 25. i månaden. Frå og med 18. mars er det dessverre ikkje mogeleg å endre forfallsdato før oppdateringa av systema er fullført.

Desse tenestene er utilgjengeleg i perioden 12. - 23. mai

• Søknad om kredittkort er stengt
  Ønskjer du å søkje om kredittkort må du vente med å søkje til oppdateringa av systema er utført. Vi kan dessverre ikkje behandle søknader manuelt og det finnast ingen papirskjema du kan fylle ut.
  
  
• Det er ikkje mogeleg å auke kredittgrensa på kortet
  I same periode er det ikkje mogeleg å søkje om kredittauke på kortet. Treng du å auke grensa må du søkje før utgangen av 11. mai eller etter 23. mai.
  
  
• Bestilling av nytt kort er utilgjengeleg
  Blir ditt noverande kredittkort av ei eller anna årsak sperra i perioden 12. - 22. mai vi ikkje nye kort bli bestilt før oppdateringa av kredittkortsystema er utført. Det gjer i praksis at det kan ta noko lengre tid før du får tilgang til nytt digitalt kort og nytt kredittkort kjem i posten.

Dette er aktuelt for deg som har Eika Bedrift kredittkort tilknytt Overblikk

• Mangla informasjon om reservasjonar
  Som følgje av oppgraderinga vil ikkje reservasjonar på kortet bli registrert i Overblikk i perioden 13. - 23. mai.

• Overføring kort til konto er utilgjengeleg
  Treng du å overføre pengar frå kredittkortet ditt til ein annan konto, kan dette gjerast etter 23. mai.

• Oppseiingar vil bli behandla etter 23. mai
  Vel du å avslutte kredittkortet ditt etter 18. mai vil ikkje vi vere i stand til å behandle oppseiinga før systema er oppdaterte. Det tyder i praksis at det vil vere noko lengre behandlingstid på oppseiingar enn vanleg.
  
  

Dette er hovudperioden for oppgraderinga og i løpet av denne helga vil følgjande tenester vere utilgjengelege:

• Ingen kredittkortoversikt i mobil- og nettbanken
  Alle korttenester i mobil- og nettbank, vil vere utilgjengelege frå fredag 20. mai og ut helga. Vi tilrår at du loggar deg inn på torsdag 19. mai og sjekkar f. eks. saldo, transaksjonar eller anna du treng å vite før korttenestene blir stengde.
  
  
• Ustabilitet i kortbruk
  I grunnen skal alle kredittkort fungere normalt gjennom heile helga, men noko ustabilitet i kortbruk kan skje etter kl. 18.00 den 20. mai. Opplever du at kredittkortet blir avvist, kan du gjere eit nytt forsøk. Blir fleire forsøk avviste etter kvarandre er det lurt å betale med eit anna kort eller utsetje kjøpet til over helga.
  
  Skal du på store arrangement eller betale større sum i samband med reise eller anna, er det lurt å ta med deg fleire kort.
  
  
• Registrering av kredittkort i apper og digitale lommebøker vil feile
  Har du tenkt å leggje inn kredittkortet ditt i Vipps er det lurt å gjere det før utgangen av 18. eller 19. mai. Gjennom heile helga (20. - 22. mai) vil registrering av kredittkorta i digitale lommebøker og apper feile. Dermed er det lurt å gjere dette på førehand eller vente til uka etter.
  
  
• Betaling med digitale lommebøker kan feile gjennom heile helga.
  
  

For deg med Eika Bedrift registrert i Overblikk

• Mangelfull tilgang til utvida reiseinformasjon og fakturakopi
  Som følgje av oppgraderinga vil du i ein avgrensa periode oppleve å miste tilgangen til fakturakopi og utvida informasjon ved kjøp av flybillettar i oversikta over transaksjonar i Overblikk.
  
  
• Manglande oppdatering av transaksjonsoversikta i Overblikk og i appen
  I løpet av heile helga 20. - 22. mai vil ikkje transaksjonsoversikta i Overblikk og i appen Mitt Bedriftskort bli oppdatert. Dette gjer i praksis at du vil ikkje kunne sjå eventuelle kjøp du har gjort før oppgraderinga av systema er fullført.
  
  

Aktuelt for deg som treng billån eller smålån

• Nedetid i søknadene på smålån og billån
  Treng du å søkje om smålån eller billån bør du gjere det innan kl. 12.00 på fredag 20. mai, eller vente til over helga. Etter kl. 12.00 den 20. mai vil søknadene stengjast og forblir utilgjengelege til oppgraderinga av systema er fullført.
  
  Vurderer du å kjøpe bil den helga er det lurt å ordne opp finansieringa seinast på fredag morgon.

🛑 Dette må du hugse:

• Korttenester og søknader vaknar til live igjen
  På måndag 23. mai vil både korttenester og søknader leggjast ut igjen frå ca. klokka 13.00. Dette vil skje kontinuerleg og kan innebere at somme tenester ikkje kjem tilbake på plass før seinare i veka. Du vil få god oversikt over kva som er tilgjengeleg og ikkje på denne sida.
  
  
• Hugs å setje opp regionsperra og netthandelssperra på nytt
  Har du hatt netthandelssperre eller regionsperre på kortet før oppdateringa må du setje opp desse på nytt etter 23. mai. Dette gjer du som før i mobil- og nettbanken.
  
  
• Renter fordelte på to postar
  Har du valt å nedbetale eit kjøp over tid kan du oppleve å få to rentepostar på kredittkortet ved fyrste fakturering, etter at oppgraderinga til nye system er utført. I dette tilfellet vil rentene bli fordelte på to transaksjonar, men det totalt beløpet vil vere riktig.
  
  
• Transaksjonsoversikta inneheld berre kjøp utført i 2022
  Frå 23. mai vil transaksjonsoversikta i mobil- og nettbanken berre innehalde oversikt over kjøp du har gjort i 2022. Ønskjer du å sjå kjøp utførte lengre tilbake i tid, kan du spore desse i oversikta over Fakturakopi eller ta kontakt med oss.
  
  
• Kort sperra med kortvarig sperre, kan ikkje åpnas
  Har du sperra kortet ditt med kortvarig sperre i mobil- og nettbanken før oppgraderinga starta vil ikkje du kunne kunne åpne det på eiga hand. I det tilfellet må du ta kontakt med oss så skal vi hjelpe deg.
  
  
• Reservert beløp på kr 0,01 på kredittkortet
  Vi må utføre ein del testar av dei nye systema gjennom helga for å sikre at alle korttenester fungerer som før. I samband med dette vil nokre tilfeldige kundar bli belasta med ein reservasjon på kr 0,01 på kortet. Denne vil bli merka med følgjande tekst: tietoevry test butikk. Beløpet vil ikkje bli trekt frå, men reservasjonen vil vere synleg ei stund før den utløper av seg sjølv.
  
   

💡 Dette er nytt:

• Fakturaene kjem i ny drakt
  Ved fyrste fakturering etter oppgraderinga vil fakturaen ha heilt ny utsjånad. Vi håper du liker det nye oppsettet, dei friske fargane og den forbetra oversikta.
  
  
• Nokre av kredittkorta endrar namn
  Har du Gold eller Business med privatansvar vil du etter at oppdateringa er ferdig oppdage at korta har endra namn. Etter 23. mai vil Gold bli til Eika Kredittkort og Business vil heretter kallast for Eika Ansatt.

🔎 Spesielt for deg med Eika Bedrift

• Eika Bedrift blir heretter send til korthaldar sjølv
  Etter 23. mai vil nye kredittkort sendast til korthaldar sjølv og ikkje til bedrifta. Dette er viktig å hugse på dersom du skal bestille fleire kort på bedrifta sin avtale. Legg også merkje til at korta blir alltid sende til korthaldar sin folkeregistrerte postadresse og denne må oppdaterast fyrst dersom korthaldar flytter til ny adresse.
  
  
• Fyrste EHF-faktura etter oppdateringa kjem på papir
  Har du inngått avtale om EHF-faktura vil du oppleve å motta fakturaen med forfall 5. juni, 15. juni eller 25. juni på papir. Dette vil skje berre ved fyrste fakturering etter oppgraderinga, neste fakturering med forfall i juli vil fungere normalt og du vil motta fakturaen elektronisk. Del gjerne denne informasjonen med rekneskapsføraren din.
  
  
• Transaksjonsoversikta i Overblikk vil framleis innehalde transaksjonar eldre enn 01.01.2022.

Vi har dessverre ikkje noko moglegheit å behandle kredittkortsøknader manuelt og dermed finst det ikke papirskjema for dette. Skal du søkje om kredittkort bør du gjere dette innan utgangen av 11. mai, alternativt etter 23. mai når søknadene er tilbake på plass.

Årets 17. mai feiring blir ikkje påverka av oppgraderinga og korta vil etter planen fungere normalt. Vi ønskjer deg ei god feiring!

Det er dessverre ikkje mogeleg for deg å sjekke dette ved å logge inn i mobil- eller nettbanken. Vi har heller ikkje moglegheit til å sjå det i systema våre ettersom desse vil oppdaterast parallelt.

Planlegg du store innkjøp eller er på reise, ta gjerne ein titt i mobil- og nettbanken innan utgangen av 19. mai og sjekk dette før systema blir utilgjengelege.

Svaret er nei. PIN-kode, kredittgrense, priser og vilkår er uendra og er ikkje påverka av oppgraderinga av kredittkortsystema våre.

Denne oppgraderinga påverkar ikkje korleis korttenestene ser ut og kvar du finn desse. På sikt vil dei nye kredittkortsystema hjelpe for utvikling av nye korttenester og betre teknisk flyt.